ഡെലിഗേറ്റ് സെല്‍ ഉദ്ഘാനം ഇന്ന് (01.12.2013)

പതിനെട്ടാമത് കേരള രാജ്യാന്തര ചലച്ചിത്രമേളയുടെ ഡെലിഗേറ്റ് സെല്‍ ഇന്ന് (01.12.2013) രാവിലെ 11 മണിക്ക് ടാഗോര്‍ തിയേറ്ററില്‍ കേന്ദ്ര മാനവവിഭവശേഷി സഹമന്ത്രി  ഡോ. ശശി തരൂര്‍ ഉദ്ഘാടനം ചെയ്യും. പി.സി. വിഷ്ണുനാഥ് എം.എല്‍.എ., പ്രശസ്ത ചലച്ചിത്രതാരം അനൂപ് മേനോന്‍ എന്നിവര്‍ മുഖ്യാതിഥികളായിരിക്കും. ബാങ്ക് ശാഖകളില്‍ നിന്നും പാസ്സുകള്‍ കൈപ്പറ്റാത്ത ഡെലിഗേറ്റുകള്‍ക്ക്  തിങ്കളാഴ്ച മുതല്‍ ഇവിടെനിന്നും  പാസ്സുകള്‍ ലഭ്യമാക്കും.

ഇന്തോ-ജര്‍മന്‍ കൂട്ടുകെട്ടില്‍ എട്ട് ചിത്രങ്ങള്‍

ഇന്‍ഡോ-ജര്‍മന്‍ സര്‍ഗാത്മക പങ്കാളിത്തത്തില്‍ രൂപപ്പെട്ട എട്ട് സിനിമകള്‍ എക്‌സ്പ്രഷനിസം ഇന്‍ഡോ-ജര്‍മന്‍ കണക്ഷന്‍ വിഭാഗത്തില്‍ പ്രദര്‍ശിപ്പിക്കും.

A scene from Josef von Sternberg's 'The Blue Angel' (1930)

ഇന്ത്യയുടെ സാംസ്‌കാരിക വൈവിധ്യവും ആത്മീയാന്വേഷണങ്ങളും പാശ്ചാത്യ തത്വചിന്തകരെ ആഴത്തില്‍ സ്വാധീനിച്ചിട്ടുണ്ട്. ഇന്ത്യന്‍ ഫിലോസഫിയുടെ ആഴവും സ്വാധീനവും പാശ്ചാത്യ ചിത്രകലയിലും സാഹിത്യത്തിലും എന്നതുപോലെ സിനിമയിലും അനാവരണം ചെയ്യപ്പെട്ടു. ഇംപ്രഷനിസ്റ്റ് കലാകാരന്മാര്‍ തങ്ങളുടെ വ്യാഖ്യാനകല വിഷയബന്ധിതമാക്കിയപ്പോള്‍ എക്‌സ്പ്രഷനിസം കലാകാരന്റെ മനസ്സും അതിന്റെ ഉള്‍ക്കാഴ്ചകളും പ്രകടമാക്കി.

മതവിശ്വാസത്തിന്റെ പേരില്‍ മനുഷ്യരെയും മൃഗങ്ങളെയും ബലിനല്‍കുന്നതിനെതിരെ ശബ്ദിച്ച ഇന്ത്യന്‍ ചിത്രമാണ് ആര്‍.വി. ശാന്താറാം സംവിധാനം ചെയ്ത് 1934 ല്‍ പുറത്തുവന്ന 'അമൃത് മന്ദന്‍' ബലികര്‍മങ്ങള്‍ നിരോധിക്കുന്ന രാജാവിനെ വധിക്കാന്‍ മതാചാര്യന്‍ പദ്ധതിയിടുന്നതാണ് ചിത്രത്തിന്റെ പ്രമേയം.

Robert Wiene German silent horror classic 'The Cabinet of Dr. Caligari' (1920)

ജോസഫ് വോണ്‍ സ്റ്റണ്‍ബര്‍ഗ് (Josef von Sternberg) 1930 ല്‍ സംവിധാനം ചെയ്ത ബൂ എയ്ഞ്ചല്‍ (Blue Angel) ബഹുമാന്യനായ ഒരു പ്രൊഫസറില്‍ നിന്നും കാബറെ ക്ലൂണ്‍ ആകേണ്ടിവന്ന ഒരാളുടെ ദുരവസ്ഥയെ ദൃശ്യവത്കരിക്കുന്നു. ദുരന്തങ്ങളുടെ വേലിയേറ്റങ്ങളില്‍പ്പെട്ട് ഭ്രാന്തിന്റെ ഉച്ചസ്ഥായിയിലേക്ക് എടുത്തെറിയപ്പെടുന്നതാണ് ഇതിലെ നായക കഥാപാത്രം. സിനിമ സെന്‍സര്‍ഷിപ്പിന് വിധേയമാക്കിയെങ്കിലും പിന്നീട് പിന്‍വലിക്കുകയുണ്ടായി. ബ്ലൂ എയ്ഞ്ചലിന്റെ ഇന്ത്യന്‍ പതിപ്പായ പിഞ്ചരയും മേളയിലുണ്ട്. വി.ആര്‍. ശാന്താറാമിന്റെ ശ്രദ്ധേയ ചിത്രമായ പിഞ്ചാര സംഗീതവും നൃത്തരംഗങ്ങളും കൊണ്ട് ശ്രദ്ധേയമാണ്.  മറാത്തിയില്‍ കളര്‍ ചിത്രങ്ങള്‍ക്ക് തുടക്കം കുറിച്ച ഈ സിനിമ 1972 ലെ മികച്ച ചിത്രത്തിനുള്ള ദേശീയ പുരസ്‌കാരം കരസ്ഥമാക്കി.

ജര്‍മന്‍ എക്പ്രഷനിസത്തെ ഏറ്റവുമധികം സ്വാധീനിച്ച ചിത്രമാണ് 1920 ല്‍ റോബര്‍ട്ട് വൈന്‍ (Robert Wiene) സംവിധാനം ചെയ്ത ദി കാബിനറ്റ് ഓഫ് ഡോക്ടര്‍ കാലിഗിരി എന്ന നിശബ്ദ ചിത്രം. കിടിലം കൊള്ളിക്കുന്ന സെറ്റുകളും തെറിച്ചു നീങ്ങുന്ന തരത്തിലുള്ള ചലനങ്ങളും ചിത്രത്തെ 'സൈലന്റ് ഈറ'യിലെ നടുക്കമുണര്‍ത്തുന്ന സിനിമകളില്‍ ഒന്നാക്കി. നറേഷനും ഫ്‌ളാഷ്  ബാക്കുകളും ചിത്രത്തില്‍ സമര്‍ഥമായി ഉപയോഗിച്ചിരിക്കുന്നു. ചലച്ചിത്ര വിദ്യാര്‍ഥികള്‍ കണ്ടിരിക്കേണ്ട അപൂര്‍വ ചിത്രങ്ങളിലൊന്നാണിത്.

A still from Kamal Amrohi's 1949 thriller film 'Mahal'

1921 ല്‍ പുറത്തിറങ്ങിയ ഇന്ത്യന്‍ ടോംബ് അസാധാരണമായ രീതിയില്‍ കഥപറയുന്ന ജര്‍മന്‍ നിശബ്ദ ചിത്രമാണ്. ഫ്രിറ്റ്‌സ് ലാങ് സംവിധാനം ചെയ്ത ഈ ചിത്രം വിഷന്‍ ഓഫ് യോഗി, ടൈഗര്‍ ഓഫ് ബംഗാള്‍ എന്നീ രണ്ട് ഭാഗങ്ങളാണ്. ജര്‍മന്‍ സംവിധായകനായ ഫ്രാന്‍സ് ഓസ്റ്റന്റെ (Franz Osten) പ്രേം സന്യാസ് (Light of Asia) ഈ ശ്രേണിയിലെ മറ്റൊരു ചിത്രമാണ്. ഗൗതമബുദ്ധന്റെ ജീവിതം അഭ്രപാളിയിലേക്കെത്തിക്കുന്ന ചിത്രം എഡ്‌വിന്‍ ആര്‍നോള്‍ഡിന്റെ 'ലൈറ്റ് ഓഫ് ഏഷ്യ' എന്ന പുസ്തകത്തെ അടിസ്ഥാനമാക്കിയാണ്.

സുന്ദരിയായ സ്ത്രീയുടെ ആത്മാവിനാല്‍ ഭ്രമിക്കപ്പെടുന്ന യുവാവിന്റെ കഥപറയുന്ന 1949 ലെ മഹല്‍ എന്ന ചിത്രം ആ വര്‍ഷത്തെ ഏറ്റവും വലിയ ബോക്‌സ് ഓഫീസ് ചിത്രമായിരുന്നു. കമല്‍ അമ്രോഹി സംവിധാനം ചെയ്ത ഈ ചിത്രം പിന്നണി ഗായിക ലതാ മങ്കേഷ്‌ക്കര്‍, ചിത്രത്തിലെ നായിക മധുബാല എന്നിവരെ പ്രശസ്തിയിലെത്തിച്ച ചിത്രമാണ്.

സാംസ്‌കാരിക വൈവിധ്യവുമായി മാസ്റ്റേഴ്‌സിന്‍റെ 43 ചിത്രങ്ങള്‍

സിനിമ സാധ്യമാക്കുന്ന സാംസ്‌കാരിക വിനിമയങ്ങളും അവ നല്‍കുന്ന വ്യത്യസ്തമാനങ്ങളും കാലദേശങ്ങള്‍ക്കതീതമാണ്. തങ്ങളുടെ ദേശവും ജനതയുടെ സംസ്‌കാരവും ജീവിതവും അടയാളപ്പെടുത്തുന്ന സംവിധായകരുടെ വൈവിധ്യമാര്‍ന്ന 43 ചിത്രങ്ങള്‍ ഉള്‍ക്കൊള്ളുന്നതാണ് കണ്ടംപെററി മാസ്റ്റേഴ്‌സ്  ഇന്‍ ഫോക്കസ് വിഭാഗം.

ഫ്രഞ്ച് സിനിമയിലെ അതികായരിലൊരാളായ ഴാങ് റെന്വാറിന്റെ (Jean Renoir) ആറ് സിനിമകള്‍ ചലച്ചിത്ര വിദ്യാര്‍ഥികള്‍ക്ക് അപൂര്‍വ ദൃശ്യവിരുന്നാകും. അറുപതുകളില്‍ ശബ്ദസിനിമ കടന്നുവരുന്നതിനുമുമ്പ് നാല്‍പ്പതോളം സിനിമകള്‍ അദ്ദേഹം സംവിധാനം ചെയ്തു. ഇറ്റാലിയന്‍ നിയോ - റിയലിസ്റ്റിക് മൂവ്‌മെന്റിന്റെ ചരിത്രത്തിന്റെ തുടക്കത്തിലുണ്ടായ സിനിമയാണ് ടോനി (Toni). ബൗധു സേവ്ഡ് ഫ്രം ഡ്രൗണിങ് (Boudu Saved from Drowning), വാനിഷിങ് കോര്‍പോറല്‍ (Vanishing Corporal), എമിലി സോളയുടെ (Emily Zola) അതേ പേരിലുള്ള പുസ്തകത്തില്‍ നിന്ന് പ്രചോദനമുള്‍ക്കൊണ്ട് തയാറാക്കിയ ലാ ബെറ്റ് ഹ്യുമയന്‍ (La Bete Humaine), എക്‌സ്പിരിമെന്റ് ഇന്‍ ഇവിള്‍ (Experiment in Evil), മ്യൂസിക്കല്‍ സിനിമയായ ഫ്രഞ്ച് കാന്‍കാന്‍ (French Cancan) എന്നിവയും അദ്ദേഹത്തിന്റേതായുണ്ട്.
ബെല്‍ഗ്രേഡില്‍ നിന്നുള്ള സെര്‍ബിയന്‍ ഫ്രഞ്ച് സംവിധായകനായ ഗൊരാന്‍ പാസ്‌കല്‍ജെവികിന്റെ (Goran Paskaljevic) സാധാരണതകള്‍ക്കുമേല്‍ തന്റെ അസാധാരണത്വം തിരയുന്ന സിനിമകള്‍ ഒരു ജനതയുടെ വംശീയ-വര്‍ഗ സംഘര്‍ഷങ്ങളെയും അവയുടെ ആന്തരിക സവിശേഷതകളെയും അസ്വസ്ഥതകളെയും മുന്‍നിര്‍ത്തി രേഖീയമായി ചിത്രണം ചെയ്യപ്പെട്ടവയാണ്. ഇത്തരമൊരു ചിന്താപദ്ധതിയില്‍ നിന്നുരൂപമെടുത്ത രാഷ്ട്രീയ അവസ്ഥാന്തരങ്ങളെ 'ഐറണിക്കല്‍' ആയി പ്രതിഫലിപ്പിക്കുന്നതിലും ശ്രദ്ധചെലുത്തുന്നുണ്ട് സംവിധായകന്‍.
ബീച്ച് ഗാര്‍ഡ് ഇന്‍ വിന്റര്‍ ടൈം (Beach Guard in Wintertime), ഹണിമൂണ്‍സ്  (Honeymoons), ഹൗ ഹാരി ബികെയിം എ ട്രി (How Harry Became a Tree), മിഡ് വിന്റര്‍ നൈറ്റ്‌സ് ഡ്രീം (Midwinter Night’s Dream), പൗഡര്‍ കേഗ് (Powder Keg), സ്‌പെഷ്യല്‍ ട്രീറ്റ്‌മെന്റ് (Special Treatment), വെന്‍ ഡെ ബ്രേക്‌സ് (When Day Breaks) എന്നിവയാണ് പാസ്‌കല്‍ ജെവിക്കിന്റെ മേളയില്‍ പ്രദര്‍ശിപ്പിക്കുന്ന ചിത്രങ്ങള്‍.
ഗുഡ്‌മോണിങ് നൈറ്റ്  എന്ന സിനിമയിലൂടെ വ്യക്തിഗത പ്രതിഭ തെളിയിച്ച മാര്‍ക്കോ ബെലുച്ചിയോയുടെ (Marco Bellochio) ഏഴ് സിനിമകളുണ്ട്. പ്രശസ്ത ഫ്രഞ്ച് നടി ഇസബെല്ല ഹുപ്പര്‍ട്ട് അഭിനയിക്കുന്ന ഡോര്‍മെന്റ് ബ്യൂട്ടി (Dormant Beauty), ഡെവിള്‍ ഇന്‍ ദി ഫ്‌ളഷ് (Devil in the Flesh), ഗുഡ് മോര്‍ണിങ് നൈറ്റ് (Good Morning Night), ബലൂചിയോയുടെ മാസ്റ്റര്‍ പീസ് എന്നു വിശേഷിപ്പിക്കപ്പെടുന്ന ഫിസ്റ്റ്‌സ് ഇന്‍ ദി പോക്കറ്റ് (Fists in the Pocket)േ, സൊര്‍ലി മൈ (Sorelle Mai) എന്നിവ മേളയിലുണ്ട്. മുസോളിനിയുടെ ആദ്യ ഭാര്യയുടെയും മകന്റെയും ദുരന്തജീവിതകഥ പറയുന്ന വിന്‍സിയര്‍ (Vincere) മറ്റൊരു പ്രധാന ചിത്രമാണ്. ചിക്കാഗോ ഇന്റര്‍നാഷണല്‍ ഫെസ്റ്റിവലില്‍ നാല് മികച്ച് അവാര്‍ഡുകള്‍ കരസ്ഥമാക്കിയ ഈ സിനിമ 2009 ല്‍ കാന്‍ ഫെസ്റ്റിവലില്‍ ഇറ്റലിയില്‍ നിന്ന് മത്സരവിഭാഗത്തിലെത്തിയ ഏക ചിത്രമായിരുന്നു. വെഡ്ഡിങ് ഡയറക്ടര്‍ (Wedding Director) ആണ്  മറ്റൊരു ചിത്രം.
സിനിമകളിലൂടെ ഏറെ വിവാദങ്ങള്‍ സൃഷ്ടിച്ച  ജാപ്പനീസ് സംവിധായകന്‍ തകാഷി മൈക്കിന്റെ (Takashi Mike) അഞ്ച് ചിത്രങ്ങളുണ്ട്. വയലന്‍സും ലൈംഗീക അരാജകത്വങ്ങളും മേമ്പൊടിക്ക് കറുത്ത ചിരിയുമായി കാണികള്‍ക്കുമുന്നിലെത്തുന്ന തകാഷിയുടെ സിനിമകള്‍ അനുവാചകരെ ഞെട്ടിച്ചിരുന്നു. റൊമാന്റിക് ഹൊറര്‍ സിനിമയായ ഓഡിഷന്‍ (Audition), 13 അസാസിന്‍സ് (13 Assassins), ദി ക്രോ (The Crow), ഹരാകിരി - ഡെത്ത് ഓഫ് എ സാമുറായ് (Hara Kiri: Death of a Samurai), ഷീല്‍ഡ് ഓഫ് സ്‌ട്രോ (Shield of Straw) എന്നിവയാണ് മറ്റ് ചിത്രങ്ങള്‍. ഷീല്‍ഡ് ഓഫ് സ്‌ട്രോ 2013 ലെ കാന്‍ ഫിലിം ഫെസ്റ്റിവലില്‍ പാം ഡി ഓറിനായി നാമനിര്‍ദേശം ചെയ്യപ്പെട്ടു.
ഈ വിഭാഗത്തിലെ ഏക വനിതാ സംവിധായികയാണ് ഫ്രാന്‍സില്‍ നിന്നുള്ള ക്ലയര്‍ ഡെന്നിസ് (Claire Denis). ഫ്രാന്‍സിലെ നവ സിനിമാ സംവിധായകരില്‍ ഒരാളായ ക്ലയറിന്റെ സിനിമകളില്‍ സാമൂഹിക ചരിത്രവും വ്യക്തിചരിത്രവും ഇഴപിരിഞ്ഞുകിടക്കുന്നു. 2001 ല്‍ കാന്‍ ഫെസ്റ്റിവലിലെ പ്രേക്ഷകരെ ഞെട്ടിച്ചുകൊണ്ടാണ് സംവിധായികയുടെ ട്രബിള്‍ എവരിഡേ (Trouble Everyday) പ്രദര്‍ശിപ്പിച്ചത്. ബെനിന്‍-കരീബിയന്‍ ദേശങ്ങളില്‍ നിന്നുവന്ന രണ്ടുപേരുടെ സാംസ്‌കാരിക ജീവിത സംഘര്‍ഷങ്ങള്‍ ചിത്രീകരിച്ച നോ ഫിയര്‍ നോ ഡൈ (No Fear No Die) എന്ന സിനിമ ഉള്‍പ്പെടെ എട്ട് സിനിമകള്‍ ക്ലയര്‍ ഡെനിസിന്റെതായി മേളയിലുണ്ട്. ഇന്‍ട്രൂഡര്‍ (Intruder) എന്ന സിനിമ 2004 ലെ ഗോള്‍ഡന്‍ ലയണ്‍ പുരസ്‌കാരത്തിന് നാമനിര്‍ദേശം ചെയ്യപ്പെട്ടു. ആര്‍.എല്‍. സ്റ്റീവന്‍സന്‍, പോള്‍ ഗോഗിന്റെ പെയ്ന്റിങ്‌സ് എന്നിവയില്‍ നിന്നും പ്രചോദനം ഉള്‍ക്കൊണ്ടുകൊണ്ടാണ് ക്ലയര്‍ ഈ സിനിമ നിര്‍മിക്കുന്നത്. ഫ്രഞ്ച് ഫിലോസഫര്‍ ജീന്‍ ലൂക്കിനുള്ള സ്മൃതിചിത്രം കൂടിയാണിത്. ട്രബിള്‍ എവരിഡേ (Trouble Everyday), 35 ഷോട്ട്‌സ് ഓഫ് റം (35 Shots of Rum), ബ്യൂ ട്രാവെയ്ല്‍ (Beau Travail), ഐ കാണ്ട് സ്ലീപ് (I can't sleep), ക്ലയര്‍ ഡനിസ് ലാ വാഗബോണ്ട് (Claire Denisa La Vagabond), ജാക്വിസ് റിവെറ്റ് (Jacques Rivette) എന്നിവയാണ് മറ്റ് ചിത്രങ്ങള്‍.
ജര്‍മനിയില്‍ നിന്നുള്ള സംവിധായകനായ ഹാറൂണ്‍ ഫാറോക്കിയുടെ (Harun Farocki) നാല് യുദ്ധ ഡോക്കുമെന്ററികള്‍ ഈ വിഭാഗത്തില്‍ ഉള്‍പ്പെടുത്തിയിരിക്കുന്നു. സീരിയസ് ഗെയിംസ് (Serious Games) മൂന്ന് ഷോര്‍ട്ട് ഡോക്കുമെന്ററികളാണ്. നിക്കോളെസ് ചെഷസ്‌ക്യൂ തൂക്കിലേറ്റപ്പെടുന്നതും അതിനുശേഷമുള്ള രാഷ്ട്രീയ സംഘര്‍ഷങ്ങളും വിവരിക്കുന്ന വീഡിയോഗ്രാംസ് ഓഫ് എ റവല്യൂഷന്‍ (Videograms of a revolutions) പ്രധാനപ്പെട്ട ഒന്നാണ്. ദൃശ്യമാധ്യമരംഗം വിപ്ലവത്തിന്റെ ഗതികളെ സഹായിച്ചതെങ്ങനെയെന്ന് ഇതില്‍ പറയുന്നുണ്ട്. ഇമേജസ് ഓഫ് ദി വേള്‍ഡ് ആന്‍ഡ് ദി ഇന്‍സ്‌ക്രിപ്ഷന്‍ വാര്‍ (Images of the world and the inscription war) ഇന്‍ കംപാരിസണ്‍ (In comparison) ഇവയാണ് മറ്റ് ചിത്രങ്ങള്‍.
മലയാളത്തില്‍ നിന്നും ഹരിഹരന്‍ സംവിധാനം ചെയ്ത ഇടവഴിയിലെ പൂച്ച മിണ്ടാപ്പൂച്ച, ഒരു വടക്കന്‍ വീരഗാഥ, പഞ്ചാഗ്നി, പഴശ്ശിരാജ, സര്‍ഗം, ശരപഞ്ചരം എന്നിവയും പ്രദര്‍ശിപ്പിക്കുന്നു.

ലാറ്റിനമേരിക്കയില്‍ നിന്ന് സമാന്തര ചിത്രങ്ങള്‍

കമ്പോളത്തിന്റെ പ്രലോഭനങ്ങളെ അതിജീവിച്ച് സാംസ്‌കാരിക വിനിമയങ്ങള്‍ സാധ്യമാക്കുന്ന സിനിമകള്‍ അന്യംനിന്നുകൊണ്ടിരിക്കുന്ന വര്‍ത്തമാനകാലത്ത് ലാറ്റിനമേരിക്കയില്‍നിന്ന് പ്രതീക്ഷാനിര്‍ഭരമായ ഒരുകൂട്ടം ചിത്രങ്ങള്‍ മേളയ്‌ക്കെത്തുന്നു. അവിടുത്തെ സമാന്തര സിനിമാപ്രവര്‍ത്തനങ്ങളെ പ്രതിനിധീകരിക്കുന്ന എട്ട് ചിത്രങ്ങള്‍ സ്ട്രീറ്റ് ഫിലിം മേക്കിങ് ഫ്രം ലാറ്റിനമേരിക്ക പാക്കേജിലുണ്ട്.

All About The Feathers

എണ്‍പതുകളിലെ ലാറ്റിനമേരിക്കന്‍ സാന്റിനിസ്റ്റ പോരാളികളുടെ കഥപറയുന്നു  റെഡ് പ്രിന്‍്‌സസ് . ലോറ അസ്റ്റോര്‍ഗ  സംവിധാനം ചെയ്ത ഈ ചിത്രം രണ്ട് സഹോദരിമാരുടെ കാഴ്ചപ്പാടിലൂടെയാണ് അവതരിപ്പിക്കുന്നത്.

സാമ്പത്തികമാന്ദ്യം മൂലം സ്വദേശം വിട്ടുപോകേണ്ടിവന്ന ക്യൂബന്‍ ജനതയുടെ മാനസിക വ്യഥകളാണ് ലോങ് ഡിസ്റ്റന്റ്‌സ് . ആത്മകഥാംശമുള്ള പ്രമേയത്തിന്റെ ചിത്രീകരണത്തിനായി സ്വതന്ത്ര സിനിമാ നിര്‍മാണത്തിലൂടെ ആര്‍ജിച്ചെടുത്ത കഴിവുകള്‍ ഡിജിറ്റല്‍ ടെക്‌നോളജിയുടെ സഹായത്തോടെ സ്‌ക്രീനിലെത്തിച്ചിരിക്കുകയാണ് സംവിധായകന്‍ എസ്തബാന്‍ ഇന്‍സോസ്റ്റി.

ചെകുത്താന്റേതെന്ന് കരുതപ്പെടുന്ന അക്കോര്‍ഡിയന്‍ എന്ന സംഗീതോപകരണം വായിച്ചതുകൊണ്ടാണ് ഭാര്യയുടെ മരണമുള്‍പ്പെടെയുള്ള ദുര്‍വിധികള്‍ തനിക്ക് സംഭവിച്ചതെന്നു കരുതുന്ന കഥാനായകന്‍ യഥാര്‍ഥ അവകാശികള്‍ക്ക് അക്കോര്‍ഡിയന്‍ തിരിച്ചു നല്‍കാന്‍ തീരുമാനിക്കുന്നു. യാത്രയില്‍ തന്റെ ഏകാന്തത അവസാനിപ്പിക്കാനെന്നവണ്ണം എത്തുന്ന ആരാധകനെ ഒപ്പം കൂട്ടുന്നതിലൂടെ ദി വിന്റ് ജേര്‍ണീസ്  വിധി അവര്‍ക്കായി കാത്തുവെച്ചിരുന്ന ലക്ഷ്യത്തിലേക്ക് നീങ്ങുന്നു. സിറോ ഗുവേര സംവിധാനം ചെയ്ത ഈ ചിത്രം നോര്‍ത്ത് കൊളംബിയയിലെ 80 സ്ഥലങ്ങളിലായാണ് ചിത്രീകരിച്ചത്.

കൗമാരക്കരന് തന്റെ ജീവിതത്തില്‍ നേരിടേണ്ടിവരുന്ന വിചിത്രമായ അനുഭവങ്ങളാണ് ലേയ്ക് താഹോ  ഫര്‍ണാന്റോ ഇംപിക്കി സംവിധാനം ചെയ്ത ചിത്രം ബര്‍ലിന്‍ ഫിലിം ഫെസ്റ്റിവലില്‍ രണ്ട് പുരസ്‌കാരങ്ങള്‍ നേടി. 

Wind Journeys

ഒറ്റപ്പെട്ട ജീവിതങ്ങള്‍ക്കു നേരേയാണ് ആല്‍ഫ്രഡോ ഉറേറ്റ  മോള്‍സ് ഹൈഡ് ഔട്ടില്‍  ക്യാമറ തിരിച്ചിരിക്കുന്നത്. ദാനിയേലിന്റെ ഏകാന്തജീവിതത്തിലേക്ക് അവിചാരിതമായി അന്ന കടന്നുവരുന്നു. തങ്ങളുടെ ജീവിതാവസ്ഥകളിലെ സാദൃശ്യങ്ങള്‍തിരിച്ചറിയുന്ന അവര്‍ക്കിടയില്‍ ഉടലെടുക്കുന്ന പ്രണയം അന്നയുടെ ഭര്‍ത്താവ് മടങ്ങിയെത്തുന്നതിലൂടെ പ്രക്ഷുബ്ധമായ അന്തരീക്ഷത്തിലേക്ക് കടക്കുന്നു.

കോഴിപ്പോരില്‍ താത്പര്യമുള്ള സെക്യൂരിറ്റി ഗാര്‍ഡ്, അയാള്‍ വാങ്ങുന്ന പൂവന്‍ കോഴിയും തമ്മില്‍ ഉടലെടുക്കുന്ന അസാധാരണമായ സൗഹൃദത്തിന്റെ പൊട്ടിച്ചിരി ഉണര്‍ത്തുന്ന കഥയാണ് ഓള്‍ എബൗട്ട് ഫെദേഴ്‌സ് . ചിത്രം സംവിധാനം ചെയ്തിരിക്കുന്നത് നെറ്റോ വില്ലാലോബോസ് )

പ്രതിസന്ധികളുടെയും അതിജീവനത്തിനുവേണ്ടിയുള്ള പോരാട്ടങ്ങളുടെയും കഥപറയുകയാണ് മാരിയോ കര്‍ഡോണ സംവിധാനം ചെയ്ത എല്‍ എമിഗ്രന്റെ . 

സൈനിക സ്വേഛാധിപത്യമുള്ള അര്‍ജന്റീനയില്‍ തന്റെ കുടുംബം ഭരണകൂടത്തോട് ഏറ്റുമുട്ടാന്‍ തുടങ്ങുമ്പോള്‍ ഉത്തരവാദിത്വങ്ങളിലും കുട്ടിത്തത്തിന്റെ ആഗ്രഹങ്ങളിലും പെട്ട് സംഘര്‍ഷമനുഭവിക്കുന്ന അഞ്ചാം ക്ലാസുകാരനായ ജുവാന്റെ കഥയാണ്, ഇന്‍ഫാന്‍സിയ ക്ലാന്‍ഡസ്റ്റിന  സംവിധാനം ചെയ്ത ക്ലാന്‍ഡസ്റ്റൈന്‍ ചൈല്‍ഡ്ഹുഡ്.

സമാന്തര സിനിമാപ്രവര്‍ത്തനം പൂര്‍ണമായി അസ്ഥമിച്ച നമ്മുടെ സിനിമാ രംഗത്തിന് ഈ ചിത്രങ്ങള്‍ പ്രചോദനമാകുമെങ്കില്‍ ഈ മേള അര്‍ഥപൂര്‍ണമായി.

കണ്‍ട്രി ഫോക്കസില്‍ നൈജീരിയന്‍ ജീവിത കാഴ്ചകള്‍

വര്‍ത്തമാനകാല നൈജീരിയന്‍ ജനതയുടെ സംസ്‌കാരവും സാമൂഹിക ജീവിതവും പ്രണയവും ദാമ്പത്യഅസ്വാരസ്യങ്ങളും സുഹൃദ് ബന്ധങ്ങളും ഇതിവൃത്തമാക്കിയ ഏഴ് ചിത്രങ്ങളാണ് കണ്‍ട്രി ഫോക്കസില്‍ ഉള്‍പ്പെടുത്തിയിരിക്കുത്.

Confusion Na Wa

നൈജീരിയയിലെ പ്രസിദ്ധ സംവിധായകന്‍ നിജി അകാനിയുടെ രണ്ട് ചിത്രങ്ങളുണ്ട്. അരാമൊത്തുവും, ഹീറോസ് & സീറോസും പാരമ്പര്യ വിശ്വാസങ്ങളെ സമകാലിക ജീവിതത്തിന്റെ പ്രതിസന്ധികളുമായി സമന്വയിപ്പിച്ചുകൊണ്ട് സ്ത്രീകളുടെ സ്വയം നിര്‍ണയാവകാശത്തിനായി പോരാടു സ്ത്രീയുടെ കഥ പറയുകയാണ് അരാമൊത്തു. സ്ത്രീ സ്വാതന്ത്ര്യചിന്തകള്‍ക്കൊപ്പം കോളനിവത്കരണത്തേയും സ്വേഛാധിപതികളായ നേതാക്കന്മാരേയും ചോദ്യം ചെയ്യുതാണ് ഈ ചിത്രം. പൂനെ ഫിലിം ഇന്‍സ്റ്റിറ്റിയൂ'ില്‍ പഠിച്ചിരു ഈ നൈജീരിയന്‍ സംവിധായകന്റെ ചിത്രത്തിന് കാമറ കൈകാര്യം ചെയ്തിരിക്കുത് ഇന്ത്യക്കാരനായ രമേഷ് ബാബുവാണ്. നിജി അകാനിയുടെ മറ്റൊരു ചിത്രമാണ് ഹീറോസ് & സീറോസ്. ഒരു സംവിധായകന്റെ ജീവിതത്തിലെ ഉയര്‍ച്ചയും താഴ്ചയുമാണ് ചിത്രത്തില്‍ ആവിഷ്‌കരിച്ചിരിക്കുത്. 2013 ലെ ആഫ്രിക്കന്‍ മൂവി അക്കാദമി അവാര്‍ഡില്‍ മികച്ച തിരക്കഥയ്ക്കുള്ള പുരസ്‌കാരം ലഭിച്ചു.

Mother of George

2013 സഡാന്‍സ് ചലച്ചിത്രോത്സവത്തില്‍ മികച്ച ഛായാഗ്രഹണത്തിനുള്ള അവാര്‍ഡ് നേടിയ ആന്‍ഡ്രൂ ഡസംനൂവിന്റെ ചിത്രമാണ് മദര്‍ ഓഫ് ജോര്‍ജ്. പാരമ്പര്യവും-സ്വാതന്ത്ര്യവും സംസ്‌കാരവും-വ്യക്തിത്വവും വിധേയത്വവും-ഉത്തരവാദിത്തവും തമ്മിലുള്ള സംഘര്‍ഷമാണ് ഈ ചിത്രത്തിന്റെ അടിസ്ഥാനം. വിവാഹിതയായതിനുശേഷം കുഞ്ഞുങ്ങള്‍ ഉണ്ടാകില്ലെറിയുമ്പോഴുണ്ടാകു ഒരു സ്ത്രീയുടെ മാനസികാവസ്ഥയാണ് ഈ ചിത്രത്തില്‍ ആവിഷ്‌കരിക്കപ്പെടുത്.

സമ്പമായ ആഫ്രിക്കന്‍ ഐതീഹ്യങ്ങളില്‍നി് കടംകൊണ്ട സിനിമയാണ് ദി ഫിഗറിന്‍. തകര്‍ടിഞ്ഞതും ഉപേക്ഷിക്കപ്പെട്ടതുമായ ഒരു ആരാധനാലയത്തില്‍ നിന്നു ലഭിക്കുന്ന വിഗ്രഹം  വ്യക്തിജീവിതത്തില്‍ സൃഷ്ടിക്കു പ്രതിസന്ധികള്‍ പാരമ്പര്യവിശ്വാസത്തെയും പ്രതീനിധീകരിക്കുന്നുണ്ട്. സംവിധായകന്‍ കനല്‍ അഫോ ലയാന്‍ തെയാണ് നായകനായി ചിത്രത്തിലെത്തുത്. ഈ സംവിധായകന്റെ മറ്റൊരു ചിത്രമാണ് ഫോ സ്വാപ്. ആധുനിക നഗരജീവിതത്തില്‍ സംഭവിക്കു യാദൃശ്ചികതകള്‍ സരളമായി പ്രതിപാദിക്കു ചിത്രം. ഫോണുകള്‍ പരസ്പരം മാറിപ്പോകു ഒരു പുരുഷന്റെയും സ്ത്രീയുടെയും ജീവിത്തിലെ സംഭവവികാസങ്ങളാണ് ഇതില്‍ ആവിഷ്‌കരിച്ചിരിക്കുത്.

ആധുനിക ജീവിതത്തിന്റെ അവിഭാജ്യഘടകമായ മൊബൈല്‍ ഫോ സൃഷ്ടിക്കു സാമൂഹിക  വിപത്തിനെ ഓര്‍മിപ്പിക്കുതാണ് കഫ്യൂഷന്‍ നാ വാ എ ചിത്രം. കളഞ്ഞുകിട്ടുന്ന ഫോണിലെ വിവരങ്ങള്‍ ഉപയോഗിച്ച് ഉടമയെ 'ബ്ലാക്ക്മെയില്‍ ചെയ്യാന്‍ ശ്രമിക്കു യുവാക്കളുടെ കഥ കറുത്ത ഹാസ്യത്തില്‍  സംവിധായകന്‍ കെത്ത് ഗ്യാങ് അവതരിപ്പിക്കുന്നു. 2013 ലെ ആഫ്രിക്കന്‍ അവാര്‍ഡ് നേടിയ ചിത്രമാണിത്.

കൊളോണിയല്‍ ഭരണം ചരിത്രപരമായി തദ്ദേശീയരില്‍ സൃഷ്ടിച്ച ഗോത്രവൈരങ്ങളുടെ തുടര്‍ച്ചയാണ് തണ്ടര്‍ ബോള്‍ട്ട് ആവിഷ്‌കരിക്കുത്. രണ്ട് ഗോത്രങ്ങളില്‍പ്പെ' സ്ത്രീപുരുഷന്മാര്‍ വിവാഹിതരാകുമ്പോള്‍ ഉണ്ടാകു സംഘര്‍ഷങ്ങളും വൈരുദ്ധ്യങ്ങളും സാര്‍വലൗകിക കാഴ്ചപ്പാടില്‍ അവതരിപ്പിക്കു ഈ ചിത്രം സംവിധാനം ചെയ്തിരിക്കുത് ടന്റെ കെലനി

ആധുനിക ആഫ്രിക്കന്‍ ജീവിതത്തിന്റെ നേര്‍ക്കാഴ്ചകള്‍ അവതരിപ്പിക്കു ഈ ചിത്രങ്ങള്‍ സാര്‍വലൗകിക കാഴ്ചപ്പാടില്‍ എല്ലാ മനുഷ്യജീവിതങ്ങളും ഒരുപോലെയാണെ തിരിച്ചറിവ് നമ്മളിലുണ്ടാക്കും.

വിസ്മയകാഴ്ചകളുമായി പുതുതലമുറ ചിത്രങ്ങള്‍

ഒരു തലമുറയെ ആചാര്യസ്ഥാനത്ത് പ്രതിഷ്ഠിച്ചുകൊണ്ട് പുതിയൊരു തലമുറ സംവിധായകരുടെ വരവ് വിളംബരം ചെയ്യുകയാണ് 18 ാമത് കേരള രാജ്യാന്തര ചലച്ചിത്രമേള. പ്രമേയത്തിലും ആവിഷ്‌ക്കാരത്തിലും പുതിയകാലത്തിന്റെ വിഹ്വലതകളും പ്രതീക്ഷകളും പ്രതിസന്ധികളും ദൃശ്യശൃംഗലയില്‍ കോര്‍ത്തിണക്കി പുതിയ ഭാവുകത്വം തേടുന്ന ലോകസിമാവിഭാഗം ഈ മേളയെ വേറിട്ടതാക്കും.
വിവിധ ചലച്ചിത്രമേളകളില്‍ പുരസ്‌കാരങ്ങള്‍ നേടുകയോ പങ്കെടുക്കുകയോ ചെയ്ത ചിത്രങ്ങളാണ് പുതിയ സംവിധായകരുടേതായി ലോകസിനിമാവിഭാഗത്തില്‍ പ്രദര്‍ശിപ്പിക്കുന്നത്.
56 രാജ്യങ്ങളില്‍ നിന്ന് 16 വിഭാഗങ്ങളിലായി  209 ചിത്രങ്ങള്‍ മേളയിലുണ്ട്. 35 ചിത്രങ്ങള്‍ സംയുക്ത സംരംഭങ്ങളാണ്. 12 സിനിമകളുടെ സംവിധായകര്‍ വനിതകളാണ്. 
മേളയുടെ പ്രധാന ആകര്‍ഷണമായ മത്സരവിഭാഗത്തില്‍ രണ്ട് മലയാള ചലച്ചിത്രങ്ങള്‍ ഉള്‍പ്പെടെ പതിനാല് ചലച്ചിത്രങ്ങളുണ്ട്.  കണ്‍ട്രി ഫോക്കസ് വിഭാഗത്തില്‍ ആഫ്രിക്കന്‍ ജീവിതത്തിന്റെ പരുക്കന്‍ യാഥാര്‍ഥ്യങ്ങളെ അനാവരണം ചെയ്യുന്ന നൈജീരിയല്‍ നിന്നുള്ള ഏഴ് സിനിമകളാണ് പ്രദര്‍ശിപ്പിക്കുന്നത്.
കച്ചവട സിനിമയുടെ കെട്ടുകാഴ്ചകളില്ലാതെ പൊതുധാരയില്‍നിന്ന് മാറിനിന്നുകൊണ്ട് ചലച്ചിത്രപ്രവര്‍ത്തനം നടത്തുന്ന ലാറ്റിന്‍ അമേരിക്കന്‍ പുതുതലമുറയുടെ എട്ട് ചിത്രങ്ങള്‍ ഈ മേളയെ വേറിട്ടതാക്കും. സ്ട്രീറ്റ് ഫിലിം മേക്കിങ് ലാറ്റിന്‍ അമേരിക്കന്‍ വിഭാഗത്തിലൂടെയാണ് ഈ ചിത്രങ്ങള്‍ ആസ്വാദകരുടെ മുന്നിലെത്തുക. സിനിമയെ വ്യത്യസ്തമായി സമീപിക്കുന്ന ഒരു തലമുറയ്ക്ക് ഊര്‍ജം പകരാന്‍ ഈ ചിത്രങ്ങള്‍ക്ക് സാധിക്കുമെന്ന് പ്രതീക്ഷിക്കാം.
സിനിമ ഒരു കലാരൂപത്തിന്റെ ഭാവഗരിമയിലേക്ക് വളര്‍ന്ന ഒരു കാലഘട്ടത്തെ ഓര്‍മിപ്പിക്കുന്നതാണ് എക്‌സ്പ്രഷനിസം - ദ ഇന്‍ഡോ ജര്‍മന്‍ കണക്ഷന്‍ എന്ന വിഭാഗത്തില്‍ ഉള്‍പ്പെട്ടിരിക്കുന്ന ചിത്രങ്ങള്‍. ജര്‍മന്‍ എക്‌സ്പ്രഷനിസ്റ്റ് സിനിമയുടെ കുലപതികളിലൊരാളായ ഫ്രിക്‌സ് ലാങ്ങിന്റെ (Fritz Lang) രണ്ട് ചിത്രങ്ങള്‍ കാഴ്ചയുടെ മായികലോകത്തേക്ക് പ്രേക്ഷകരെ നയിക്കും. ശാന്താറാമിന്റെ ജീവിതത്തിന്റെ പുറത്തേക്കുള്ള വലിയ കാഴ്ചകളും ചലച്ചിത്ര വിദ്യാര്‍ഥികള്‍ക്ക് ഒരു കാലഘട്ടത്തെ മനസ്സിലാക്കുന്നതിന് സഹായിക്കും. സിനിമ കച്ചവടമെന്നതിലുപരി കലാരൂപമാണെന്ന ആശയം രൂപീകരിക്കുന്ന കാലഘട്ടത്തില്‍ നിര്‍മിക്കപ്പെട്ട ഈ ചിത്രങ്ങള്‍ മേളയെ കൂടുതല്‍ അര്‍ഥപൂര്‍ണമാക്കും. എട്ട് ചിത്രങ്ങളാണ് ഈ  വിഭാഗത്തിലുള്ളത്.
ജപ്പാനിലെ സമുറായ് പാരമ്പര്യത്തിന്റെ കാഴ്ചാനുഭവങ്ങളുമായി ഏഴ് ചിത്രങ്ങള്‍ സമുറായ് ഫിലിംസ് വിഭാഗത്തിലുണ്ട്. കോണ്‍ ഇച്ചിക്കാവ (Kon Ichikawa), മിസോഗുചി (Kenji Mizoguchi) തുടങ്ങിയ പ്രഗത്ഭരുടേതുള്‍പ്പെടെ ഏഴ് ചിത്രങ്ങള്‍ ഈ വിഭാഗത്തിലുണ്ട്. 
റെസ്‌ട്രോസ്‌പെക്ടീവ് വിഭാഗത്തില്‍ ഫ്രെഞ്ച് ന്യൂവേവ് സംവിധായകന്‍ ഴാങ് റെനോയ്‌റിന്റെ (Jean Renoir) അഞ്ച് സിനിമകള്‍ നവ്യാനുഭവമാകും. സെര്ബിയാന് സംവിധായകനായ ഗറോണ്‍ പാസ്‌കല്‍ജെവിക് (Goran Paskaljevic), ഇറ്റാലിയന്‍ സംവിധായകന്‍ മാര്‍കോ ബലോചും (Marco Bellochio) ജാപ്പനീസ് സംവിധായകന്‍ തക്കാഷി മൈക്ക് (Takashi Mike), ഫ്രഞ്ച് സംവിധായിക ക്ലേയര്‍ ഡെനിസ് (Claire Denis)െ, ജര്‍മന്‍ സംവിധായകന്‍ ഹാരുണ്‍ ഫറോക്കി (Haren Farocki) എന്നിവരുടെ 37 ചിത്രങ്ങള്‍ ഈ വിഭാഗത്തില്‍ പ്രദര്‍ശിപ്പിക്കും. 
മലയാള സംവിധായകന്‍ ഹരിഹരന്റെ ആറ് ചിത്രങ്ങളും റിട്രോ വിഭാഗത്തില്‍ പ്രദര്‍ശിപ്പിക്കുന്നുണ്ട്. ജൂറി ചിത്രങ്ങള്‍ രണ്ടെണ്ണമുണ്ട്. സമഗ്രസംഭാവനയ്ക്കുള്ള അവാര്‍ഡ് നേടിയ കാര്‍ലോസ് സൗറയുടെ (Carlos Saura) ചിത്രങ്ങള്‍ മേളയ്ക്ക് വേറിട്ട ചാരുത നല്‍കും.
സമകാലിക ഏഷ്യന്‍ സിനിമാ വിഭാഗത്തില്‍ ആറ് ചിത്രങ്ങളുണ്ട്. ഇന്ത്യന്‍ സിനിമ, മലയാള സിനിമ ഇന്ന്, ടോപ് ആങ്കിള്‍ ഇന്ത്യന്‍ സിനിമ എന്നീ വിഭാഗങ്ങളില്‍ ഏഴ് ചിത്രങ്ങള്‍ വീതം പ്രദര്‍ശിപ്പിക്കും. ലോകസിനിമാ വിഭാഗത്തില്‍ 79 സിനിമകളുണ്ട്. 
ഇന്ത്യന്‍ സിനിമയില്‍ ദൃശ്യഭാവുകത്വത്തിന് പുതിയ വ്യാഖ്യാനങ്ങള്‍ നല്‍കിയ ഋതുപര്‍ണഘോഷിന്റെ മൂന്ന് ചിത്രങ്ങള്‍ ഹോമേജ് വിഭാഗത്തില്‍ പ്രദര്‍ശിപ്പിക്കും. അന്തരിച്ച മലയാള ചലച്ചിത്ര പ്രതിഭകളായ സുകുമാരി, കൊന്നനാട്ട്, രാഘവന്‍ മാസ്റ്റര്‍, ദക്ഷിണാമൂര്‍ത്തി എന്നിവരുടെ ചിത്രങ്ങളും ഈ വിഭാഗത്തിലുണ്ട്. 
മത്സരവിഭാഗങ്ങളിലെ ചിത്രങ്ങള്‍ക്ക് സുവര്‍ണചകോരമുള്‍പ്പെടെ എട്ട് പുരസ്‌കാരങ്ങളാണ് ഏര്‍പ്പെടുത്തിയിട്ടുള്ളത്. മികച്ച ചിത്രത്തിന് സുവര്‍ണചകോരവും മികച്ച സംവിധായകന് രജതചകോരവും ലഭിക്കും. ഫിപ്രസി, നെറ്റ്പാക്, ഹസ്സന്‍കുട്ടി പുരസ്‌കാരങ്ങളും ഇതോടൊപ്പം സമ്മാനിക്കും. പ്രേക്ഷകര്‍ തെരഞ്ഞെടുക്കുന്ന ജനപ്രിയ ചിത്രത്തിനും പ്രത്യേക പുരസ്‌കാരം ഏര്‍പ്പെടുത്തിയിട്ടുണ്ട്. 
പ്രശസ്ത മെക്‌സിക്കന്‍ സംവിധായകന്‍ ആര്‍തൂറോ റിപ്‌സ്റ്റെയ്‌നാണ് (Arturo Ripstein) ജൂറി അധ്യക്ഷന്‍. പീറ്റര്‍ സ്‌കാര്‍ലെറ്റ് (Peter Scarlet), ആദിത്യ അസാരത് (Aditya Assarat)േ, ഖാലോ മതബാനേ (Khalo Matabane), ഗൗതമി തുടങ്ങിയവരാണ് അന്താരാഷ്ട്ര മത്സരവിഭാഗത്തിലെ മറ്റ് ജൂറി അംഗങ്ങള്‍.
മാര്‍ക്ക് ഷില്ലിങ് (Mark Schilling), എലിസബത്ത് കെര്‍ (Elizabeth Kerr ), മോണിക്ക ഭാസിന്‍ (Monica Bhasin) എന്നിവര്‍ നെറ്റ്പാക് ജൂറിയും ഡെറിക് മാല്‍ക്കം (Derek Malcolm), കൊയ്ച്ചി നൊജിമ (Koichi Nojima), റീറ്റാ ദത്ത (Rwita Datta), തുടങ്ങിയവര്‍ ഫിപ്രസി ജൂറിയുമാണ്.
ഡിസംബര്‍ ആറ് മുതല്‍ 13 വരെ നടക്കുന്ന കേരള രാജ്യാന്തര ചലച്ചിത്രമേളയ്ക്ക് കനകക്കുന്നിലെ നിശാഗന്ധി ഉള്‍പ്പെടെ നഗരത്തിലെ 11 തിയേറ്ററുകളാണ് വേദിയാകുക.